Кумыкский мир

Культура, история, современность

Янгы министр белгиленди

ДР-ни Конституциясыны 78-нчи статьясына асасланып, Дагъыстан Республиканы Президентини Указы булан Нариман Магьамматович Гьажиев Дагъыстан Республиканы информация политикагъа ва байлавлукъ чаралагъа къарайгъан министри этилип белгиленген.

Маълумат

Нариман Магьамматович Гьажиев 1960-нчы йылны ноябрь айыны 9-нда Магьачкъала шагьарда тувгъан. 1977-нчи йылда Магьачкъаладагъы 1-чи номерли орта школаны битдирген сонг, Дагъыстан юрт хозяйство институтунда экономист, юрт хозяйство тармакъны къурувчу деген касбугъа ес болгъан. Оьрохув ожакъны тамамлагъан сонг 1982-1984-нчю йылларда Совет Армияда асгерлик борчун кютген. 1985-нчи йылда Москвадагъы илму-ахтарыв юрт хозяйство институтну аспирантурасына тюшген. 1989-нчу йылда шо оьр охув ожакъда уьстюнлю кюйде кандидатлыкъ диссертациясын якълагъан. Шондан сонг Магьачкъала шагьарны Киров районуну исполкомуну бёлюгюню начальниги болуп ишлеген.

1991-нчи йылдан тутуп Дагъыстан Респу­бликаны тюрлю-тюрлю бизнес къурумларында чалышгъан. 1999-нчу йылда «ПК-Центр» деген билим берив идарасыны директору этилип белгиленген.

Нариман Магьамматович Гьажиев оьзюню иши булан бирге журналист касбуну да юрютюп тургъан. Ол бир нече телевизионный конкурсларда ва интернет проектлерде алдынлы ерлер къазангъан. 2011-нчи йылны июль айында «Дагестан» деген маълумат агентлигини директору этилип белги­ленген ва шо борчланы гьали болгъунча кютюп тургъан. Уьйленген, эки уланы бар.

РИА-Дагестан


Таныш этивге багъышлангъан жыйын

Оьтген арбагюн, сентябрь айны 5-нде, Магьачкъалада Печатны уьюнде оьтгерилген жыйында республика маълумат къуралларыны коллективлерине Дагъыстан Республиканы информация политикагъа ва байлавлукъ чаралагьа къарайгьан министри этилнп бел- гиленген Нариман Гьажневни хас юойде таныш эти в болду. Бел шли экени йимик, янгы министерликни къурулуву ва Нариман П>ажиевни шо къуллукъгъа белгиленегени гьакъдагъы указгьа Дагъыстанны Президенти сентябрь айны 4-нде къол салгьан.

ДР-ни Президентини тапшурувуна гёре эсгерилген жыйывда ортакъчылыкъ этген республиканы Гьукуматыны Председателини биринчи заместители Низами Къазиев жыйылгъанланы алдына чыгъып сёйлей туруп, янгы минисерликни ёлбашчысыны къуллугъуна белгиленген Нариман Гьажиев булан таныш этди. Дагъыстанны башчысыны оьрде эсгерилген указында айтылагъанда йимик, иш юрютюв къурумларыны чалышывун алышдырыв республикада информация политикагъа бакъгъан якъдагъы гьаракатны жанландырмагъа тюшегени гёз алгъа тутулуп башлангъан.

«Министерликге генг кюйде ихтиярлар берилежек. Оьзюнде инфор­мация технологиялагъа байлавлу иш юрютеген Дагъыстан Республиканы алдынгъы управлениесин, олай да ДР-ни печатгъа ва масса коммуникациялагъа къарайгъан комитетин бирлешдирежек. Алдын берли де къолланып турагъан асувлу иш юрютюв къайдаларын сакълап, гьалиги талаплагъа жавап береген янгы технологияланы да къоллай туруп, шо къурумланы чалышывун янгыртмагъа тарыкъ. Маълумат къуралларыны бажарывлу ва сынавлу къуллукъчуларын ишден тайдырмай сакъламакъ булан бирге, яш касбучуланы гьазирлев масъаласын да унутмагъа тюшмей.

Оьзюню къуллугъуна янгы бел­гиленген министерликни ёлбашчысы сизин яныгъыздан якълав болмаса, тийишли даражада иш юрютмеге болмажагъы англашылына. Журналистлени къасты булан савлай республиканы оьрлюклеге элтеген алышынывланы яшавгъа чыгъармагъа бола. Сизге барыгъызгъа да уллу уьстюнлюклер ёрайман»,- деп билдирди Н. Къазиев.

Оьз гезигинде Н. Гьажиев рес­публиканы ёлбашчылары оьзюне инамлыкъ билдиргени саялы разилик билдирди.

«Биз бек чалт алышынагъан дюньяда яшайбыз. Бизин республикада болуп турагъан агьвалатланы гьакъында толу маълумат берилмейгенлиги даим гьис этиле. Биз, пачалыкъ маълумат къуралланы имканлыкъларындан пайдаланып, федерал оьлчевюнде иш гёреген бир-бир маълумат къураллары­ны Дагьыстангъа байлавлу юрютеген информация политикасына къаршы турмагъа болабыз. Озокъда, олар булан тенглешдиргенде, бизин имканлыкъларыбыз аз буса да, республикадагъы гьалны гьакъында гьакъыкъатгъа ювукъ этип маълумат бермек бизин аслу борчубуз болуп токътай. Герти сёзню жамиятгъа янгыз орус тилде тюгюл, халкъгъа ювукъ милли тиллерде де етишдирмеге тарыкъ.

Шондан къайры да, иш юрю­тюв къайдаланы да алышдырмагъа тюше. Иш юрютювню токъташгъан ва гёземелик къайдаларына урунуп токътамагъа ярамай. Интернетни им­канлыкъларындан, озокъда, басылып чыгъарылагъан маълумат къураллагъа заралы тиймейген кюйде пайдаланса яхшы болур», - деди янгы министер­ликни ёлбашчысы.

Оьзюню сёйлевюню ахырында ол бугюнлерде болуп турагъан агьвалатланы гьакъында бир де тартынмай язмагъа журналистлеге чакъырыв этди.

«Пачалыкъны янындан гьали цензура ёкъ, тек маълумат къуралланы вакиллерини кёбюсю оьзлени яратывчулугъун политика якъдан оьзлер оьзлеге цензура этив булан дазуландыра. Герти сёзню айтмагъа къоркъмагъа тюшмей, озокъда, про­фессионал этикадан ва законланы дазуларындан чыкъмайгъан кюйде. Ортакъ гьаракат булан биз уьстюнлюклеге етишежегибизге инанаман», - деп тамамлады оьзюню сёзюн Н. Гьажиев.

Жасмина Алиханова.


Газета «Ёлдаш», 07.09.2012

Размещено: 07.09.2012 | Просмотров: 1443 | Комментарии: 0

Комментарии на facebook

 

Комментарии

Пока комментариев нет.

Для комментирования на сайте следует авторизоваться.