Кумыкский мир

Культура, история, современность

иконка

Персоналия

Азизов Ганибал Магомедович

(01-05-1940)
место рождения: г. Хасавюрт

Поэт.

Ганибал (Абугьанипа) Азизов таза къумукь агьлюде тувгъан, оьсген ва къумукъ ругьда тарбиялангъан улан. Атасы (Абдулазиз-гьажи Магъаммат) капир-къумукълу, анасы торкъалили буса да, ол кёп йыллар Хасавюрт шагьарда яшагъан. Демек - халкъны ари ягъын да, бери ягъын да сезген.

Школаны битдирген сонг, Ганибал Москвада автомобильно-дорожный институтну тамамлап, «Дагавтодор» деген бирлешдиривге табиъ болагъан проект институтну директору, ёллар къурув ва ярашдырыв управленияны, республиканы кёпюрлер къурув управлениясыны начальниги болуп загьмат тёкген.

Гьаким къуллукъланы кёп йылланы узагъына кютсе де, Ганибал бай болайым, урлап-тырнап мал жыяйым деп де къарамагъан, оьзюню яшавун гьалал ёлунда юрютген, намусун да, саламатлыгъын да сакълагъан. Ол къумукъланы тюрлю-тюрлю жамият къурумларында да жагьчылыкъ булан ортакъчылыкъ этген.

Нелер эте турса да, юрегинде бар шаирлик пагьмуну аяй-асырай, кёп заман арагъа чыкъма къоймай сакълагъан. Оьзю шайлы яшав сынав топлагъан сонг, юрек дертин акъ кагъызгъа чече башлагъан. Гьали ол бир нече шиъру китапланы («Бугюн», «Тангала», «Даим», «Юрекни кёпюрлери») автору.

Ганибал оьзюню шиърулары булан тюрлю темаланы къуршагъан: гьашыкълыкъ, табиатны суратлав, аривлюк, къурдашлыкъ, билим, адабият, тарих. Тек ону тергевюн, аслу гьалда, къылыкъ темалар тарта - гьалал булан гьарамны, гьакь юрекликни, гертилик булан намартлыкъны, Элине къуллукъ этмек булан янаша, ону къысматына немкъорай къарайгъанлыкъны, ялгъан булан гертини, рагьму булан зулмуну аралыгъын ачагъан темалар.

(Абдул-Къадир Абдуллатипов)


Сообщить об ошибке, отправить дополнительную информацию

фото