Кумыкский мир

Культура, история, современность

ДР-ни бешинчилей сайлангъан Халкъ Жыйыныны биринчи сессиясындан

фото

Тюнегюн (31-нчи мартда) Магьачкъалада Дагъыстан Республиканы бешинчилей сайлангъан Халкъ Жыйыныны биринчи сессиясы болгъан.

Депутат Гьамидуллагь Магьамматов сессияны ачгъан ва юрютген, республиканы парламентине сайлангъанлыгъы булан депутатланы къутлагъан ва Дагъыстанны халкъларыны пайдасы учун къайратлы кюйде ишлемекни ёрагьан.

Сонг ол Дагъыстанны Президенти Магьамматсалам Магьамматовгъа сёз берген.

Дагъыстанны башчысы Дагъыстан Республиканы Халкъ Жыйынына сайлангъанлыгъы булан бары да депутатланы къутлагъан, бу четим ва жаваплы чалышывунда олагъа уьстюнлюклер ёрагъан.

Президентни сёйлевюнден сонг Гь.Магьамматов РФ-ни Федерал Жыйыныны Федерал Советини Председатели Сергей Мироновдан, Пачалыкъ Думаны спикери Борис Грызловдан, шолай да Пачалыкъ Думаны депутаты Гьажимет Сафаралиевден гелген къутлав телеграммаланы охугъан.

Республиканы парламентине оьтгерилген сайлавланы гьасиллери гьакъында Дагъыстанны Сайлав комиссиясыны председатели Магьаммат Дибиров доклад этген.

Сонг парламентарийлер республиканы законлар чыгъарыв жыйыныны ёлбашчысын яшыртгьын тавуш берив булан сайлавну ишине гиришген. Башында депутат Зайдин Жамболатов да булан гьисап комиссия къурулгъан. Бюллетенге алдагъы парламентни башчысы Магьамматсолтан Магьамматовну кандидатурасы язылгъан, шо кандидатураны «Единая Россия» деген партияны Оьр совети якълагъан ва Дагъыстанны Халкъ Жыйынына таклиф этген.

Дагъыстанны Президенти М.Магьамматов депутатланы алдына чыгъып Магьамматсолтан Магьамматовну якълап сёйлеген ва шо кандидатураны якъламакъны парламентарийлеге де таклиф этген. Президент алдагъы парламентни башчысы гьисапда Магьамматсолтан Магьамматовну ишине оьр къыймат берген. Шо кандидатураны якълап дагъы да депутатлар Николай Алчиев, Камил Давдиев ва Ибрагьим Къазибеков да сёйлеген.

фото Сонг Магьамматсолтан Магьамматовгьа сёз берилген. Инамлыкъ билдиргени учун ол Президентге ва оьзге сёйлегенлеге разилигин билдирген, янгы парламентни законлар чыгъарыв ишине айрыча тергев берме герекни эсгерген.

Шондан сонг депутатлар яшыртгъын тавуш бергенлер, шону гьасиллерине гёре парламентни спикери этилип Магьамматсолтан Магьамматов сайлангъан.

РИА "Дагестан"


Дагъыстан Республиканы бешинчилей сайлангъан Халкъ Жыйыныны къумукъ депутатлары:

  • Биярслан Жабрайылович Изиев (КПРФ)
  • Гьамит Замитович Алигишиев (СР)
  • Магьамматсолтан Байболатович Магьамматов (ЕР)
  • Керим Басирович Гьюсейнов (ЕР)
  • Баттал Ражабович Батдалов (ЕР)
  • Къарамутдин Изиевич Мурзаев (ЕР)
  • Асият Наримановна Алиева (ЕР)
  • Шамил Магьамматович Зайналов (ЕР)
  • Руслан Басирович Асеков (ЕР)
  • Сапиюлла Абдулманапович Къарачаев (ЕР)
  • Баттал Вагьитович Батгалов (ЕР)
  • Зайдин Магьамматович Жамболатов (ЕР)
Размещено: 01.04.2011 | Просмотров: 1990 | Комментарии: 0

Комментарии на facebook

 

Комментарии

Пока комментариев нет.

Для комментирования на сайте следует авторизоваться.