Кумыкский мир

Культура, история, современность

Yangı Qumuq sayfanı quruluşu

Xoş geligiz bizin Qumuq sayfağa!

Texnologiyalanı artdırıwu bulan, milli proyektler de artdırıla, onu uçun globallı Yayılışda türlü-türlü sayfalar qurula. www.kumuklar.biz özünü aldına edep muradlar salağan, söyleşiw-ma`lumatlı sayfa dür edi. O muradlanı arasında - qumuq tilni, edepni artdırıwu wa ma`lumatlanı oxuyğanlağa anglawğa tınç küyde beriwi gire.

Qumuq til bügündegi Rusiyalı Federasiyadağı az milletleni arasında ingde bek artdirilğanlarını arasına gire. Onu sebeplerini arasında: а) XIX-çu asru bitgençe, qumuq til Qara wa Xazar dengizleni arasında erleşgen topuraqda xalqaralı til bolğanı; b) Regionda bek güçlü dewlet - Tarğu Şawxallıq qumuq tilni yaqlaw siyasat yurutgeni, şo sayalı Rus Car bulan söyleşıwın, qumuqdan qayri başğa milletler de, qumuq tilde yurütgen; c) İstawropolde wa Aştarxandağı mekteblerde qumuq til darslar berilip turğanı da.

Qumuq tilni gerekligin sebeplerine qarasaq, ol aldıngı xazar tilni bügünge yetişgen bölümü bar sayalı, ilmuğa bek tarıqlı til dür edi. Qumuq til ayrıça qıpçaq bölümge girip qalmay, özüne ögüz wa qarluq bölümleni de xasiyatların alğan. Olay bolğan song qumuqça qonuşağan adam, az zamandan Türkiye türkleni, qazaqlanı, uzbekleni, türkmenleni arasında olanı tillerine çığıp da bola, şo sayalı qumuq til yaşaw-çalışuwda bek gerekli til dür edi. Yal almağa Türkiyege bara busağız da, Uzbekistandağı tarixli yerleni görmege xıyallı busağız da, Qazaqdağı wa Qajardağı kompaniyal bulan iş aralıqlar tüze busağız da, qumuqça bir-eki söz samaq üyrenmege unutmağız, sizin o bilimigiz türk milletlege tatli şekerdey tiyejek.

Qumuq tilni birdağı bahalığın aytsaq, onu arap tilden, başğa tillege qarağanda, tiyişi az bolğanın, wa şo sayalı türk için saqlağanın ayrıça aytmağa tüşe.

Türk tilleni arasında qumuq tilge ingde yuwuqları - qaraçay-malqar, noğay wa qırımtatar tillerdir.

Artdağı zamanda qumuq edepge, tarixge wa tilge tartılağan adamlar köp bola, o sayalı biz özübüzge bulay muradlar salğanbız:

1) sizin qumuqlanı haqında ma`lumatlandırmaq;

2) sizge tünegi wa bügüngü qumuq adabiyatnı, qumuq yazuwçulanı xabarların rus tilge göçürüp, görsetmek;

3) qumuq tilin artdırmağa süegenlege, başğa tillerdegi adabiyat xabarlanı qumuq tilge göçürüp bermek;

4) siz sayfada çığağan ma`lumatlanı haqında söylep, xabar qurup bolağan küyde etmek. Biz har zamanda sizge taba açıqbız, sizin sorawlağa jawap bermege hazirbiz;

5) siz bizin sayfadan taba qumuq tilni söyleşiw kursun ötüp bolağan küyde etmek.

Bizin sayfada ariw ruhlanmaqnı sizge yoraybız! www.kumuklar.biz

Размещено: 31.12.2008 | Просмотров: 2242 | Комментарии: 0

Комментарии на facebook

 

Комментарии

Пока комментариев нет.

Для комментирования на сайте следует авторизоваться.