Кумыкский мир

Культура, история, современность

Анаа-а-а-й десем, анана-а-й...”

Гьали-гьалилерде Сочиде “Россияны пагьмуларыны союзу” деген яш йыравланы V Халкъара фестиваль-конкурсу оьтгерилди. Шонда Россияны 40 регионундан хореографияда, вокалда, асил гийимлени гёрсетивде (дизайн) яш пагьмулар ортакъчылыкъ этди. Шо конкурсда уьч йырны йырлап, хасавюртлу къумукъ улан Адил Уцумиев биринчи ерге ес болду. Оьзлени пагьмусун гёрсетме гелген 115 адамдан Адил биринчи ерге чыкъмакълыгъы – бизин миллет учун да, республика учун да уллу сююнч ва даража. Айрокъда “Анай десем, ананай» деген сёзлер булан башланагъан къумукъ халкъ йыры тынглавчулагъа ва жюриге бек таъсир этген.

Адил Уцумиев Тюмень областны Радужный деген посёлогунда лицейни битдирген. Мундагъы маданият къалада ол рок-группада ортакъчылыкъ этген. Сонг Москвада Музыка академияны эстрада-джаз саниятыны пачалыкъ музыка училищесинде охугъан. Ондан сонг Адил Маймониданы атындагъы музыкалы Пачалыкъ классика академиясына охума тюше ва гьали уьчюнчю курсунда охуп тура. Ол Хасавюртда яшай ва “Спартак” деген маданият къалада ишлей. “Къыпчакълар” деген музыкалы группаны ортакъчысы. Адил “Музыкалы глобусну” Гран-присин де къазангъан. Москвада оьтгерилген “Гьайбатлыкъ парахатлыкъны къутгъарар” деген Халкъара конкурсда биринчи савгъатгъа да ш болгъан.

Гьали Адил Уцумиев “КамАЗ къурдашланы жыя” деген Набережные Челны шагьарда оьтгерилеген яш пагьмуланы II Халкъара фестиваль-конкурсунда ортакъчылыкъ этмек учун онгарыла. Адилни бу уьстюнлюклери булан къутлай туруп, гележекде де огъар оьзюню пагьмусун оьр даражада гёрсетме ва алдынлы ерлени алма насип болсун деп айтма сюебиз.

Я. БИЙДУЛЛАЕВ

Размещено: 04.07.2008 | Просмотров: 2253 | Комментарии: 0

Комментарии на facebook

 

Комментарии

Пока комментариев нет.

Для комментирования на сайте следует авторизоваться.