Кумыкский мир

Культура, история, современность

Вручена редакционная премия газеты "Ёлдаш"

Баммату Атаеву, автору исторических романов "Солтан-Мут Славный", "Князь князей Мехти-Шаухал Тарковский" вручена редакционная премия газеты "Ёлдаш" имени выдающегося кумыкского просветиеля Абусупияна Акаева.

Баммат Атаевге "Ёлдаш" газетни Абусупиян Акаевни атындагъы савгъаты тапшурулду.

Язывчу Баммат Атаевни 80 йыллыкъ юбилейине багъышлангъан шатлы жыйын оьтгерилди. Шо жыйында белгили язывчуну "Ёлдаш" газетни редакциясыны къуллукъчуларыны ва охувчуларыны атындан къутлама бир тюрлю себеплеге гёре имканлыкъ болмагъаны саялы, ёлугъув "Ёлдаш" газетни редакциясында давам этилди.

Газетни баш редактору Камил Алиев еьзюню сёйлевюнде айтгъан кюйде, Баммат Атаев язывчу гьисапда кёп алдан берли белгили болса да, арт вакътилерде оьзюн тарихчи гьисапда да танытды. Къумукъ халкъны, Дагъыстанны артдагъы 500 йыллыкъ тарихин ахтаргъан язывчу, халкъыбызны тарихине багъышлангъан кёп санавда чебер асарлар яратды. Ол чебер асарлар яратыв булан дазуланып къалмай, публицистикада да пайдалы чалыша. Айда бир дегенлей, газетибизде ону материаллары чыкъмай къалмай.

Баммат Атаевни шо пайдалы чалышывун гьисапгъа алып, К.Алиев "Ёлдаш" газетни редакциясы белгилеген Абусупиян Акаевни атындагъы гьар йыллыкъ савгъатны бу йыл Б.Атаевге тапшурду.

Ондан сонг сёйлегенлер газет къуллукъчулагъа насигьат бермейген адам ёкъ да ёкъ, амма журналистикада ярым юз"йыллар чалышгъан, итти гьакъыллы, чебер сёзлю Баммат берген къыйматоьзлени ругьландырагъанны, ойну, къыйматны разилик булан къабул этегенни, танкъытэтивю кемчиликлени тюзлеме кёмек этегенни гьакъында айтдылар.

Баммат Атаев оьзюню сёйлевюнде "Ёлдаш" газетни редакциясына разилик билдирди ва оьзюне хас чеберлик булан булай сёйледи:

- "Къаламы окъ, тили топ" дей эди, мухбирлени келпетлеп, Дагъыстанны халкъ шаири яхсайлы Абдулла Магьамматов. Тилсиз, сёзсюз пикруну билдирме болмас. Мухбирни сёзю гючлю болгъан сайын, пикру ярыкъ чыгъа. Мен оьзюмню оьмюрюмде сёзюмню чарлай туруп гелгенмен, неге десе, чарланмайгъан сёз бара-бара томакълаша. Къумукъ батыр да хынжалын, азатлыкъ учун ябушувчу къылычын къолундагъы сув билевде, чар ташда чарлагъан. Шолай мухбир де оьзюню сёзюн чарлай турма герек.

А. ГЬАМЗАЕВ.

Размещено: 07.12.2005 | Просмотров: 1807 | Комментарии: 0

Комментарии на facebook

 

Комментарии

Пока комментариев нет.

Для комментирования на сайте следует авторизоваться.