Кумыкский мир

Культура, история, современность

«Абусупиян» деген издательствода чыгъарылгъан янгы китаплар

фото

«Абусупиян» деген къумукъ китап издательство ачылгъанлы (гетген йыл ноябрь айда) кёп болмай буса да, онда миллетни маданиятын артдырардай бир нече китаплар чыгъып тура. Муна шоланы бирлери.

Абусупиян Акаев, Нугьай Батырмурзаев. «Къылыкъ китап ва Янгы тарбия». Гьазирлеген, баш сёзлени ва баянлыкъланы язгъан Гьасан Оразаев.

Милана Гобзаева (Чечен Республиканы къумукълар яшайгъан Гючюкюртундан). «Роковая судьба». Повесть.

Зиявдин Идиков (Эндирей). «Жинлени гьакъында». Дин китаплардан маълуматлар.

Умукюрсюн Сулейманова (Къазмаавул). «Аллагь къудрат берсин». Шиъруланы жыйымы.

Зиявутдин Жанакаев (Капир Къумукъ). «Судьба наша, прости нас». Эсделиклер, проза.

Исахан-гьажи Гьажиев (Ботаюрт). «Аллагь къабул этсин. Сапар китап». Тарих, ёлавчуну тептеринден.

Яха Заурова (Адильянгыюрт). «Яшлар – къатарбашлар». Яшлар учун шиърулар.

Агьмат Устарханов (Эрпели). «Намусу къыйнай буса». Хабарланы жыйымы.

Абдулла Ачакъанов (Яхсай). «Яшавну толкъунлары». Шиъруланы жыйымы.

Галип Акаев. «Равнина в огне». Воспоминания эмигранта.

Олай да Гьасан Оразаев ва Гьабийбулла Алхангьажиев гьазирлеп Абусупиян Акаев тизген накъшбандий тарикъатны шайыхларыны силсиласы да плакат этилип чыгъарылгъан.

Узакъ къалмай хасавюртлу журналист, тилни ахтарывчу Ибадулла Гьажиевни «Къумукъ тилни маънадаш сёзлерини», пагьмулу шаир Абдулгьамит Мамаевни (Хасавюрт) шиъруларыны, Бела Гьажигелдиеваны (Тамазатёбе) очерклерини жыйымлары, шолай да Юсуп Сайпудиновну (Эндирей) назмуларыны «Юрек сёйлей, авзум тура ябулуп» деген, Таманкъыз Ижакъованы (Яхсай – Хамаматюрт) «Эки юртум» (шиърулар) ва Абусупиян Акаевни «Дюнья булан ахырат» (Гьасан Оразаев онгаргъан) деген китаплары чыкъма герек.

Шолай дагъы да къумукъ тилден ва адабиятдан дарс береген муаллимлер учун методика пособиелер ва оьзге кёмекчи китаплар, сёзлюклер чыгъарма гёз алгъа тутулгъан.

Сыйлы Абусупиянны аты къоюлгъан издательствону гьалиге китапланы гьавайын чыгъарма имканлыгъы ёкъ, тек шолар лап учуз багьада болажакъ. Халкъгъа бек тарыкълы тынч сатылар йимик бир-бир китапланы издательство, оьз гьисабына да чыгъара ва оланы охувчулагъа етишдирмеге къаст эте.

Рашит Гьарунов

Размещено: 09.07.2013 | Просмотров: 1664 | Комментарии: 0

Комментарии на facebook

 

Комментарии

Пока комментариев нет.

Для комментирования на сайте следует авторизоваться.