Магьамматлы Арсланалини шиърулары ва айтывлары.

Для творческих людей

Магьамматлы Арсланалини шиърулары ва айтывлары.

Сообщение Emina » 03 май 2007, 16:06

Ас-салам алейкум.
Пишет папа. Желаю всем приятного чтения.

"Инсанлар ва ювукъдагъы дуньялар"(17.03.07)

Йыракъ да тюгюл ювукъ да
Денгизлени терени.
Йыракъ да тюгюл ювукъ да
Майданланы генглиги.

Ягъабызда дуньялар
Денгиз къую толардай.
Яшавлар онда олай
Инсанлыкъгъда ошамай.

Ягъабызда дуньялар
Кёкню генги толардай.
Яшавлар онда олай
Инсанлыкъгъа къарайдай.

Инсанланы дуньясы
Тагьсирли айланадай.
Гьалал булан гьарам да
Гелеген айланадай.

Дуньяларын инсанны
Оьтедир башгъалары
Адашдыра инамлай
Сайлавлу дуньялары.

Аллагь сакъласын бизин
Адашдырар ямандан.
Аллагь къуватын берсин
Айырмас иманындан.

"Жыжымны болмакълыгъы ва ялын шавла бермеклиги"(1979) :P

Сюеклени ичинде
Баш майны теренинде
Токътамай бокъуравда
Гьакъыл къайнар майында.

Токътавсузну гючлери
Булгъаналыр теренде
Къаймагъыдай, шавладай
Ярыкъ яйып уьстюнде.

Къайнайгъан кюйге къарап
Май къалыны-къайнардан
Яллангъан кюйге къарап
Шавла ярыкъ-янардан.

Токътагъан къарангъыдан
Шавла излер "етерин"
Танышсыз йыракълардан
Гьакъыл излер "геренгин".

"Жазалавда тувулгъан" ( 02.2007)

Оьмюр сагъа, сый сагъа
Яралгъан эки къолгъа
Къурулушлар битгенг сонг
Берилеген давалгъа.

Къаркъалада гьюнер кёп
Бажарывлу гьар саны
Оьмюр бою балагь кёп
Сакъатлатар гьар санны.

Хатар гелсе къайсына
Къол табулар тарыкъгъа.
Къол къысымгъа сыйдырар
Бар тарыгъын санлагъа.

Гьар санны сакъатына
Гьаса таякъ тутагъан
Гьар сан этме тарыкъны
Къоллар билип болагъан.

Жазалавда тувулгъан
Багьалыдыр къол гьюнер
Сакъат заманлар гелсе
Таянагъан таякълар.

Оьмюр сагъа, сый сагъа
Жазаланар гьакъылгъа
Оьлченген оьмюрлеге
Берилеген давалгъа.

Къаркъалада гьюнер кёп
Бажарывлу гьар саны
Оьмюр бою балагь кёп
Сакъатлатар гьар санны.

Хатар гелсе къайсына
Гьакъыл гелир тарыкъгъа
Гьакъыл жыйымы табар
Бар тарыгъын санлагъа.

Гьар санны сакъатына
Гьаса таякъ болагъан
Гьар сан этме тарыкъны
Гьакъыл билме болагъан.

Жазалавда тувулгъан
Багьалыдыр гьакъыллар.
Сакъат заманлар гелсе
Таянагъан таякъалар.

продолжение следует...
Аватар пользователя
Emina
Аксакал
 
Сообщений: 557
Зарегистрирован: 30 ноя 2005, 04:00

Сообщение Бек » 03 май 2007, 17:00

Арив язылгъан.Баракалла сагъа emina шигьрулар язгъан саялы.
Бек
Местный
 
Сообщений: 76
Зарегистрирован: 15 июн 2006, 04:00
Откуда: Местный

Сообщение Emina » 03 май 2007, 19:22

Кёкде согъула минг тюрлю къар оювлар-ерде ёлугъа,
Минг тюрлю халкъаны арасында -ювукълар.

Онгсуз вакътинге- алда йтген яхшылыкъларынг чыгъар кёмекге.
Насип вакътинге-алда этилген яманлыкъларынг чыгъар чарт болуп заралгъа.

Хомурсгъаланы таптайгъанлар чагъы-хомурсгъалар да шончаларын таптайдыр.

Къойсувну ташыгъан суву ярларына урунагъандай
-адамны ташыгъан къаны юрегини тамурларына урунагъандай.

Бирев-бирикген аскерлени биревю.

Дуньяны бар билимлеринден-бирин сама къоллап болмакъ-уллу уьстюнлюк.

Герти къыйын-бирде тас болмайгъан байлыкъдыр.

Алтын-азда аявлу. Адам-яшда аявлу.

Гьава ашын ерден алыр, ер ашын гьавадан алыр.

Ашадынг не-сёйлединг шо)))

Дунья дёгереклей-халкъ мююшлей.
Дунья топаслай-халкъ уттюлей.

Уьйде барлыкъ-къыргъа байлыкъ
Къырда барлыкъ-уьйде байлыкъ.


Бир будай бюртюкге-дуньяны авуру, дуньяны билими сыяр.

Яшав-гьашыкъ оюн, бир тийсе бир тиймейген
Жыйылывуна тувра тийдирип болгъанга-
гьашыкълар , тартылгъан гьизларындан чыгъып учагъан.

Юрекден чыкъгъан сёз-юрекге.Башдан чыкъгъан-сёз башгъа.
къалгъанлары-саякъ къулакълагъа))

Агъачлыкъда къарт терек авар, нече яш терекни янчып.
Агъачлыкъда къарт терек авар, нече яш терекге яшав берип.

Гиччини пешемеген-пешевлю болмас.

Саптагъыны ичинде не бар буса-чечегинден шолай ийис чыгъар.
Адамны ичинде не къан бар буса-авзундан шолай сёз чыгъар.

Чакъ бусулса-еллер булан
Адам бузулса-сёзлер булан.

Ер билегенни-етти къат тюбю.

Гьар ким этген батгъычына гёре-гётерилер.

Бийдегилер ярлы яшама тюшсе де-бий кюйде олюр.

Сувгъа къошулгъан хав- сюзюлюп, танмай къалмас.
Халкъ арагъа яйылгъан ялгъан хабар-
Халкъ башындан тюшюрюп, аякъ тюбюне салмай къоймас.

пс:продолжение следует))
Бек, спасибо за внимание))
Аватар пользователя
Emina
Аксакал
 
Сообщений: 557
Зарегистрирован: 30 ноя 2005, 04:00

Сообщение Emina » 03 май 2007, 19:53

1985 год.

Тал терекге емиш терек къыйылмас-
Далаплыгъа долапсызлар къыйышмас

Яшав талавур :артдан итлер чабып гелегендей чабыв,
алдан толкъунлар ура,муратлагъа етме къоймай

Аллаg``ны гьар заты тюзюлмеге уста: тюзюлген кёкде тюзюлген къушлар,тюзюлген тюгю,тюгюню тюп ичи

Одамансыз-ойлар гетер баш алмансыз.

Адамгъа юкъгъан яман хасият-терекдеги къувушдай
Адамгъа юкъгъан яхшы хасият-терекдеги къушдай

Пайда бермейген арбадан туварылмагъан-
пайда береген арбагъа егилмес.

Къанын таза этип болмагъан -
таза ёлланы эшиклерин табып болмас.

Ёлларыны башларында шавла берегенлерини-арты кърангъы
Ёлларыны башларында къарангъы-арты шавла.

Дуньяланы тартывлукъ сакълайдыр
Адамланы татывлукъ сакълайдыр.


Буюргъанны да ,буюрмагъанны да отлайгъан-хайыр гёрмес

Биревлер игитли яшай -осал ишде оьле
Биревлер осал яшай-игитли оьле.

Нече тюрлю булутлар гелир,нече тюрлю булутлар гетир- кёк къалыр

Адамланы хыяллары,умутлары-терезе шишаны артындагъы ,къышны сувугъу этеген ойувлардай

Шыплыкъ бузулар -кёкде яшмынлар кёкюрер ерде

Бюл-бюл авазлар сёнер -чагъанлар улуйгъан ерде;сокъур чычгъанлар тынар-къара къушлар айланч учагъан ерде;насипли чыдар-йыртгъыч къайгъылар къонагъан ерде

Жангъа тийген яраланы,аврувланы-заман сюйсе алып гете,сюйсе къоюп гетер

Билим, илму-къалын агъачлыкъдай, адам агъачлыкъны къырыйын да , бир балтасы да , бир хуржуну да булан тарыкъ емишлени алма гелген гишидир.

Адам ойлай а(о)кълардай-муратларына етер гёзлемеге ургъанлары

Даим болуп турагъан янгылыкъланы -яшав эте;даъимлик янгылыкъны бузагъан эсгиликни -адам эте

Билим тарыкъгъа -билим гьавайын

Тарлавгъа гирген -жыйып къанмас
Илмугъа бакъгъан -билимден тоймас

Къартыкълар арчыгъангъа-гьабижайлар чыгъар
Яшавну арчыгангъа -айтывлар чыгъар

Къайда гелген, къачан гелген, нечик гелген-багьа берилер
Аватар пользователя
Emina
Аксакал
 
Сообщений: 557
Зарегистрирован: 30 ноя 2005, 04:00

Сообщение Emina » 03 май 2007, 20:07

"Парахат ер гьазирде-
Оьзлер гелир билдирмей"(01.2007)


Сабургъа биз сувсапбыз
Сабур турар ер башгъа.
Сабургъа къаршы чыкъса
Тартынадыр сабур да.

Сынавгъа биз сувсапбыз
Сынав турар ер башда.
Сынавгъа къаршы чыкъса
Тартынадыр сынав да.

Насипге биз сувсапбыз
Насип турар ер башда.
Насипге къаршы чыкъса
Тартынадыр насип де.

Сюювге биз сувсапбыз
Сююв турар ер башда.
Сюювге къаршы чыкъса
Тартынадыр сююв де.

Къылыкъгъа биз сувсапбыз
Къылыкъ турар ер башда.
Къылыкъгъа къаршы чыкъса
Тартынадыр къылыкъ да.

Оьмюрге биз сувсапбыз
Оьмюр турар ер башда.
Оьмюрге къаршы чыкъса
Тартынадыр оьмюр де.

Къысматы да яхшыдыр
Яхшы болса гьасретде.
Гелер де бар, гелмес де
Заман болар ерлерде.

Парахатлыкъ ёкъ ерге
Гелмес герек "излерлер"
Заман нечик биширсе
Оьзлер гелир билдирмей.
Аватар пользователя
Emina
Аксакал
 
Сообщений: 557
Зарегистрирован: 30 ноя 2005, 04:00

Сообщение Emina » 04 май 2007, 16:55

Садр, ничего страшного что я столько стихов размещаю?
если это слишком, скажи мне.



"Геме"
08.10.85-08.10.87


Толкъунлары чайкъaлышгъан денгизге
Ошагъанман къаршы чыкъгъан гемеге
Кёгю булут, боран булан гёчеген
Денгиз генги ерни ютуп битдирген.

Арты битмей толкъун геле ярлардай
Гёбюк ташлай, яр авгъандай, къыр жандай.
Геме юзе, гётериле, бир тюше
Толкъунларда, балагьы кёп денгизде.

Денгиз бою, къара-гёкге боялгъан
Толкъун алгъан, геме къалкъай адашгъан
Ягъалагъа бакъгъан балагь ярыгъы
Ягъалагъа ярыгъы ёкъ къарангы

Заман бара,чaкъ ачылмай ел тынмай
Кёкде юлдуз, ерде ярыкълар янмай
Кёк ачывлу, гьалек денгиз къутургъан
Булутлагъа толкъун бара бурулгъан

Денгиз ягъы, толкъун геле оькюртюп
Къакълашынып, къатты яргъа урунуп.
Яр уьстюнде ягъа маяк токътагъан
Денгизлеге кёмек шавла бакъдыргъан.

Денгизлеге шавла бакъгъан къайтмайгъан
Боранлыкъдан, ягъа терек чайкъайгъан
Геме уьстге боран булут эшилген
Шавлалары заманда бир етеген.

Ягъадагъы ярыкъ чыда аз заман
Боранлыкъда толкъунлагъа урагъан
Боран тынар, кёкден, булутлар таяр
Денгиз тынар, гемеге ёл ачылар.
Аватар пользователя
Emina
Аксакал
 
Сообщений: 557
Зарегистрирован: 30 ноя 2005, 04:00

Сообщение Emina » 04 май 2007, 16:59

"Сув учгъунлар" 2006

Денгиз дуньялар ерде
Булут дуньялар кёкде
Тар арасы гьавадыр
Учгъунлагъа иш гёрме.

Сув учгъунлар батгъычлап
Ерден кёкге ёл салыр
Кёкдеги булутлагъа
Денгизлерден сув алыр.

Денгизни учгъунлары
Kёк бийикге къонадыр
Кёк чагъына кюйленип
Булутгъа айланадыр.

Денгизни учгъунлары
Даъим кёкде къалмайдыр
Юз тюрлю ер юзюне
Юз тюрленип явадыр.

Гьаваны согъувуна
Кёкде булут теп къагъыр
Янгурну геливюне
Ер оьсюмлюк кеп алыр.

***

"Къыпчакълар" 2005

Сиз, къувлаpым, учасыз
Кёкдеги булутлардай
Ердеги гёк оьзенлер
Сизге дюр уьлкелердей.

Сиз, къувларым, учасыз
Оьзден сюювлюк булан
Кёк бийикде сиз азсыз
Асимликдир аз булан.

Сиз, къувларым, учасыз
Юлдузлардан ёл алып
Кёк бийикде адашмай
Оьсген ерге ёл салып.

Сиз, къувларым, учасыз
Тизилип булутлагъа
Кёклер булан авлакълар
Тар болмас къыпчакълагъа.

Сиз кёкдеги еллердей
Эркинликде учасыз
Къув табунгъа кёкдеги
Сиз, къыпчакълар, ошайсыз.

***

"Сакълыкъ" 1988

Заман геле агъымыдай оьзенни
Тавлар бузуп, ярлар салып ёлуна
Сув агъымгъа чыдамагъан тав-ташлар
Агъым гючю батдырадыр сувунда

Оьзен гючю таш акъдыра токътамай
Гемирилип авгъан ярны чыдамай
Шо ташлардай агъым булан агъылмай
Тавдагъы бир къатты тургъан ташы бол.

Тав барлыгъы, къатты ташлары булан
Яр барлыгъы, тутумлу ташлар булан
Бу яшавда кёп муратлар агъылгъан
Яхшылардан айрылмайгъан ташы бол.
Аватар пользователя
Emina
Аксакал
 
Сообщений: 557
Зарегистрирован: 30 ноя 2005, 04:00

Сообщение Emina » 04 май 2007, 17:19

"Къойсув ягъа" -Сулак1978

Къойсув узун нечеде
Ягъалап юрюмеге
Шолай орман, бёлеги
Ягъасына гелгенче.

Къайнар къандай ташыйгъан
Тавлардан тюзге багъа
Санавсуз гючге есси
Тав байдан тюзге агъа.

Къойсув сув къатты агъа
Толкъуналарын оькюртюп.
Къойсув сув терен агъа
Айламалар оюлтуп.

Къойсув ягъа гьавасы
Гьар ерин де башгъасы
Къойсувну гьар еринде
Юзер балыкъ башгъасы

Къойсув булан сыр чече,
Ата-балалар гетген.
Къойсув булан сыр чечме
Гьлиги наслу геле.
Аватар пользователя
Emina
Аксакал
 
Сообщений: 557
Зарегистрирован: 30 ноя 2005, 04:00

Сообщение Emina » 04 май 2007, 17:32

гележек гюнлени гьайын этмегенлеге, гележек гюнлерде гьайын этмес
***
яшав-уьч абат: бир абат артда къалгъан-оьмюрю гетер яшавну артындан чаба туруп
яшав булан тенг барагъан-оьмюрю гетер яшав булан тартына туруп
яшавдан бир абат алгъа чыкъгъан-оьмюрю гетер, оьзлюгюнден яшав теберип
***
денгизни сайында киринегенлер -денгизни ягъасындагъы къайыр булан ойнайдыр
денгизни теренинде киринегенлер -денгизни ортасындагъы айламалар булан ойнайдыр
***
оьмюрню эшиклерини киритлерин ачып гиреген-савлукъ
***
адам минген арбаны, уьч гюч даъим уьч якъгъа тарта
ислам-дин, иблис, адамны къаркъаласы сюегенликлер
***
яз-баш да чачгъанынг -къышда табылар
яшлыкъда билгенинг -уллуда табылар
***
чакъ тербенир-айына къaрап
адам тербенир-чагъына къарап
***
иссиликлер гелмей-танлар чечилмес
гьурметлер гелмей-халкъ юреклерден киритлери гетмес
***
яшда этилген гьёкюнчлюклер-уллуда итлер йимик гьапларлар
яшда этилген яхшылыкълар-уллуда учагъан жанлар йимик сарнарлар
***
яз тюзгенни-къыш бузар
къыш тюзгенни-яз бузар
насип тюзгенни-къайгъы бузар
къайгъы тюзгенни-насип бузар
Аватар пользователя
Emina
Аксакал
 
Сообщений: 557
Зарегистрирован: 30 ноя 2005, 04:00

Сообщение Emina » 07 май 2007, 13:34

2006 год

Кисеге, башгъа гиреген пайдалы зат-бир заманда да не тез, не геч болмас.

Гечилмесдей адам тюйген тююнлени-заман гечмеси болмас.

Тюшген гьакъыл киседе -башына таш салынгъаны.

Къарав тарыкъ-къыйылгъанча,
эрнек чыкъгъан оьзю оьсер.

Агъачлыкъдыр, къалынлыкъдыр -асиллер де, наджаслар да болагъан

Къачанда да:уллу нишангъа гёзлегенни огъу уллу нишангъа тийер,
гиччи нишангъа гёзлегенни гиччи нишангъа тийер(муратлар)

Байракъларын елпиллетип халкъ бара, пикрулары теберип -бир де байракъ уьстюнде болуп болмайгъан

Акъча оюнланы гючю -топуракълагъа тот салыр(об урбанизации идет рачь?)

Терс гетген -талашыр
Онг гетген-яллашыр

Къайсы гьукумат гелсе де-тюлкю тюк тюсюн алышдырар
кююн, юрюшюн алышдырмас

Оьзенлер чёллер -ер учун ,
намус , ягь-адам учун

Уллу ахчалар-аманлыкъда , увакълары -къолдан къолгъа

Хыяр оьсювге-чырмавукълар чырмалыр
Адам оьсювге -яманлары чырмалыр

Яхшы сиривде -къырчын къой да сиривленир

Тамуру теберсе -терек бийик
Мангалай май теберсе-адам бийик

Тухумундан айырылгъан -терегинден майырылгъан бутакъ

Гьар инсан оьзен сувну агъымы-агъылма татавуллар болса

Заманында егилген-оьгюз болгъанда да егиле барыр

Адам:гьавасына,сувуна-къалгъан ери касбусуна ошар

Гьавалар тынмай ел тынмас
Муратлар, дертлер тынмай-халкъ тынмас

Ланча(лянга) енгил -къургъашын къуймаса
Адам енгил-имангъа ва илмугъа урунмаса
Аватар пользователя
Emina
Аксакал
 
Сообщений: 557
Зарегистрирован: 30 ноя 2005, 04:00


Вернуться в Литературное творчество

Кто сейчас на форуме

Сейчас этот форум просматривают: нет зарегистрированных пользователей и гости: 1

cron