Кумыкский мир

Культура, история, современность

Ортатюрк

Бахтияр Рахмонович Каримовгъа

Ортатюрк

Гьалиги бу гьакъыллар
Бир-бирин къувагъандай,
Умут тува умутдан,
Сёзден сёз тувагъандай.

Тек умутгъа дазу ёкъ,
Ёкъ бугъар юрек шеги,
Умутлардан ясала
Халкъланы гележеги.

Бош ёммакълар яза деп,
Жюль-Вернге кюлеген,
Гьали космос гемеси
Уча, "Жюль-Верн" деген.

Сен, Бахтияр, башысан
Янгы тувгъан умутну,
Сени йимик кёплер бар
Сени йимик умутлу.

Башым чыкъмай кёп затдан,
Кёп затдан башым чыгъа:
Оьзюм де билмей туруп,
Айландым тил ялчыгъа.

Гюч етгенни гюню деп,
Гючлю тиллер къутура,
Гиччи тиллерден уллу
Империялар къура.

Тавшала башлагъан бу
Мени къумукъ тилим де,
Кимбилди этилежек,
Янгыз къалса элимде.

Сен башлагъан "Ортатюрк"-
Ортакъ тили тюрклени,
Янгы ана тил булан
Янгырар сёзюм мени.

Язывчуну юреги
Ял да болур шо заман,
Шу замангъы йырымны
Шо замангъа язаман.

Юрегим сююнмекден
Айлана мени башым,
Аллагь сагъа гюч берсин,
Мени уьзбек къурдашым!
 
Ortatürk
 
Haligi bu haqıllar
Bir-birin quvağanday,
Umut tuva umutdan,
Sözden söz tuvağanday.
 
Tek umutğa dazu yoq
Yoq buğar yurek şegi,
Umutlardan yasala
Xalqlanı gelecegi.
 
Boş yommaqlar yaza dep,
Cül-Vernge külegen,
Hali kosmos gemesi
Uça, "Cül-Vern" degen.
 
Sen, Baxtiyar, başısan
Yangı tuvğan umutnu,
Seni yimik köpler bar
Seni yimik umutlu.
 
Başım çıqmay köp zatdan,
Köp zatdan başım çığa:
Özüm de bilmey turup,
Aylandım til yalçığa.
 
Güç yetgenni günü dep,
Güçlü tiller qutura,
Giççi tillerden ullu
Imperialar qura.
 
Tavşala başlağan bu
Meni qumuq tilim de,
Kimbildi etilecek,
Yangız qalsa elimde.
 
Sen başlağan "Ortatürk"-
Ortaq tili türklenı,
Yangı ana til bulan
Yangırar sözüm meni.
 
Yazıvçunu yuregi
Yal da bolur şo zaman,
Şu zamangı yırımı
Şo zamanga yazaman.
 
Yuregim süyünmekden
Aylana meni başım,
Allah sağa güç bersin,
Meni üzbek qurdaşım!
 

Опубликовано: газета "Ёлдаш", 14-03-2008

Размещено: 18.03.2008 | Просмотров: 3201 | Комментарии: 0

Комментарии на facebook

 

Комментарии

Пока комментариев нет.

Для комментирования на сайте следует авторизоваться.