Кумыкский мир

Культура, история, современность

Знакомьтесь: Белла Сайдуллаева-Батырмурзаева

Белла родилась в 1985 году в ГДР. С отличием окончила московский университет им. П. Лумумбы. Кроме родного кумыкского и русского языков Белла владеет несколькими иностранными языками. Стихи начала писать еще со школьной скамьи. В настоящее время живет в Москве.

Бабушка Беллы Лейла - дочь известного кумыкского драматурга Алим-Паши Салаватова. Вероятно, любовь к художественному слову у Беллы от бабушки.

Дедушка Беллы - доктор физико-математических наук Анвар Батырмурзаев. Это значит, что Белла Сайдуллаева-Батырмурзаева из рода основоположников кумыкской литературы Нугая и Зайналабида Батырмурзаевых.

Знакомство с ее творчеством не оставляет сомнений в ее растущем поэтическом даровании.

 

Белла 1985-нчи ГДР-де тувгъан. Москвада П.Лумумбаны атындагъы университетни къызыл дипломгъа битдирген. Белла, кьумукъ тилден къайры да, бир нече башгъа тиллениде биле. Шиърулар языв булан школада охуйгъан чагъындан берли машгъул. Буссагьатгъы вакътиде Москвада яшай.

Белланы анасыны анасы Лейла - драматург Алим-Паша Салаватовну къызы. Балики, Беллагъа чебер сёзге бакъгъан якъдагъы сююв ондан гелген болма ярай.

Белланы уллатасы - физика илмуланы доктору Анвар Батырмурзаев. Демек, Белла Сайдуллаева-Батырмурзаева къумукъ адабиятны кюрчюсюн салгъан Нугьай Батырмурзаевни ва ону уланы Зайналабит Батырмурзаевни тухумундан чыкъгъан къыз.

Ону поэзиягъа бакъгъан якъдагъы пагьмусу баргъан сайын ачылажагъы гьалиденокъ гёрюнюп тура. Шо саялы биз ону янгы шиъруларындан бир нечелерин "Ёлдашны" охувчуларыны тергевюне беребиз.


Юрегимде къалажакъ

Инг арив талалардан
Инг де арив гюллени
Уьзюп сагьа берермен,
Сагъына тур сен мени.

Янгызны тарыгъыдай,
Гюнлени ярыгъыдай.
Сен юрегимде яшап,
Умутлар гете яшнап.

Гечермен ялгъанынгны,
Бары гюнагьларынгны.
Гьар гече де, гьар гюн де
Яшайсан юрегимде.

Тавлар чёгюп гетсе де,
Болса да ёллар ёкъдай.
Оьзюмню тас этсем де,
Мен сени къойман тапмай.

Адамлар айырмажакъ,
Аллагь бизин айырса,
Юрегимде къалажакъ
Сенсен, Аллагь буюрса


Анамны атасына
(Анвар Батырмурзаевни эсделигине)

Гюнлерим гете сенсиз,
Сен гетдинг о дюньягъа.
Нечик турасан менсиз?
Гёзюмден гёзьяш агъа.

Сен гетдинг о дюньягъа,
Талчыкъ недир, билмейген.
Тап-таза адамлагъа
Яман гюнлер гелмейген.

Гьайсыз кёклер кёп ачыкъ,
Не ачув ёкъ, не ачлыкъ.
Сен гетдинг о дюньягъа,
Не къайгъы ёкъ, не талчыкъ.

Акъ къушлар йимик болуп,
Айланагъан булутлар.
Гюллер, айлананг толуп,
Ай шавладай умутлар.

Сен эдинг бек тарыгьым,
Бир иржайып къоягъан.
Сен эдинг гёз ярыгьым,
Къарангыны ёягьан.

Мен къалдым къайгъы иче,
Сени излеп гюеген.
Ерден кёкге етгинче
Сени, сени сюеген.

* * *

Сени азиз къолларынгда къуватлы
Гьис этедим сав дюньяны сюювюн
Гёзлерингде иржайывунг къувнакълы,
Гьар гёргенде, мен оьледим сююнюп.

Бу дюньяны къоркъунчлары кёп энни,
Савлай дюнья чыкъгьан йимик базаргьа.
Тек билмеймен къоркъув деген некенни
Гёз алдымда ва эсимде сен баргъа.

Бу дюньядан къалмагъаллы-къавгьалы
Сен гетгенсен... Тек гетмейсен юрекден!
Гюнлеримде лап да сувукъ, къарангы
Исив берип турагъандай арекден.

Сагъынч-талчыкъ турагъандай бувмагъа,
Ерлер къатты, кёклер десенг кёп бийик.
Талчыкъланы тарланкъушдай къувмагъа
Жаным мени кёкге уча, къуш йимик.

Бу дюньяда жанны англама жан тарыкъ,
Жаным булан кёп сезгенмен даим мен:
Лап да бийик бир юлдуздай бек ярыкъ,
Мени барлап турагьандай даим сен.

* * *

Насип болду, тюшде тюгюл, тюлюмде
Сени гёрюп, гёнгюм бузмай яшама.
Эсделиклер лап талчыкълы гюнюмде
Къоймай энни ругьдан тюшме, бошама.

Къысматыма баракалла беремен
Къучагьынгда ойнагьаным саялы.
Мен оьзюме уллу насип гёремен
Сени сююп тоймагьаным саялы.

Айлар гетди абзар-уьйде яс болуп,
Гюнлер гетди туман болуп, чарс болуп.
Аллагь гёре: инг аявлу адамым,
Сен юрекден гетмежексен тас болуп.

Сен бар эдинг, къарангыда ярыкъдай,
Тавгъа йимик таянадым тарыкъда.
Шу дюньяда бар чакъы бар гюллени
Къабурунга салар эдим мен сени!

Къыйналаман язгъанларынг гёрюп де,
Кагъызларынг жыйып, охуп гюемен.
Къалар эдим сени артынгдан оьлюп де,
Тек мен сени гьатдан артыкъ сюемен.

Мен герекмен сен айтгъандай яшама,
Сени арив умутунга ошама.
Рагьат юхла, болман сагьа беткъара,
Сени атынг ер этмесмен бир сама.

Сени бетинг Яратгъаным сыйласын,
Малайиклер сени башынг сыйпасын.
Айтгъан сёзюнг бузмас учун оьлермен,
Ахыр бир гюн етип сагьа гелермен.
 
Размещено: 29.01.2007 | Просмотров: 4011 | Комментарии: 0

Комментарии на facebook

 

Комментарии

Пока комментариев нет.

Для комментирования на сайте следует авторизоваться.